Throwback Wednesday - Kul El Asayed
Marwan Khouri - Kil El Asayed
Summer of 2004..نشوفك على خير السنه الجاي
اليوم آخر يوم برمضان.. مش معقول شو إنو مرق بسرعه هاي السنه.. ولا حسيت فيه.. حتى كل سنه أنا والعيله بنعمل -أكتفيتيز- معينين.. هاي المره أبداً ما سوينا شي.. بس حمدلله منيح إنو صحلنا نسوي شوية أشياء تطوعيه.. بس حلو إنو قضينا أنا وأخواتي وقت حلو سوى وكان النا مغامرات بتضحك،، وعلى أكلات رمضان ماما الله يخليلنا إياها طبختلنا كل الأكلات إلي بنحبها وأظن إنا أكلنا سمبوسك عن ٣ سنين لقدام :) أكتر شي كنت أحبو لما كنا أنا وأخواتي نقعد بالبلكونه الساعة ١١ المساء ونشرب نسكافيه ونتحدت ونحكي قصص زمان وإحنا صغار،، وأولادهم يصيرو يضحكو على شو كنا نسوي وإحنا قدهم.. الحمد لله برامج رمضان هاي السنه كانت بايخه وبمعدل زياده عن كل سنه،، فرصه عشان الواحد ما يتعلقلو بمسلسل ويضيع وقتو عليهم,, ويروح يكسبلو صلاة جماعه بالمسجد.. كان الجو كتير شوب أول أسبوعين فاستوى التين والعنب على السريع فكنا كل يوم نلقط عن الشجر وناكل بعد الفطور.. الشيء السيء الوحيد إلي صار بهادا الرمضان هوه إنو 'باريس' إنسرقت .. ولهلأ مافي أخبار عن هالموضوع بس إن شاء الله خير.. كل عام وأنتم والأهل والأحباب بألف خير.. ربنا يتقب
روعة رولا
ReplyDeleteمروان صوت راقي وموسيقار كبير
واختيارك روعة
نادر نورت المدونه.. كتير انبسطت بزيارتك :)
ReplyDeleteكتير بحب اغنيتو هاي.. في كتير زكريات حلوه مرتبطه فيها..
يلا ايمتى حترجع على عالم التدوين.. انا ملحوقه بكتير علامات :))))