Miss Arafat

ألف حمد وشكر الك يا رب.. هاي الشتوية أجانا خير كتير.. أمطار وحب عزيز وثلوج.. وإن شاء الله بفصل الربيع والصيف الأردن بيكون كلو أخضر ومزين بالورد والأزهار البرية بألوانها الجميلة.. الله يديمها علينا نعمة ويحفظها من الزوال.. بحبك يا عمان.. بحبك يا أردنا الغالي وبحب جمال الطبيعة اللي فيك.. نبتة الكالا شجرة اللوز في مرحلة التزهير

Happy Long Weekend :)

Happy Labour Day to all job workers and employees :)

We Jordanian people are the strongest and greatest.. Heavy rain, fog or snow won’t hold us back from going out with our friends every single day and enjoy our time..

Summer Jam (Eric Chase Edit)

The view from my seat at work :)

اليوم آخر يوم برمضان.. مش معقول شو إنو مرق بسرعه هاي السنه.. ولا حسيت فيه.. حتى كل سنه أنا والعيله بنعمل -أكتفيتيز- معينين.. هاي المره أبداً ما سوينا شي..  بس حمدلله منيح إنو صحلنا نسوي شوية أشياء تطوعيه.. بس حلو إنو قضينا أنا وأخواتي وقت حلو سوى وكان النا مغامرات بتضحك،، وعلى أكلات رمضان ماما الله يخليلنا إياها طبختلنا كل الأكلات إلي بنحبها وأظن إنا أكلنا سمبوسك عن ٣ سنين لقدام :) أكتر شي كنت أحبو لما كنا أنا وأخواتي نقعد بالبلكونه الساعة ١١ المساء ونشرب نسكافيه ونتحدت ونحكي قصص زمان وإحنا صغار،، وأولادهم يصيرو يضحكو على شو كنا نسوي وإحنا قدهم.. الحمد لله برامج رمضان هاي السنه كانت بايخه وبمعدل زياده عن كل سنه،، فرصه عشان الواحد ما يتعلقلو بمسلسل ويضيع وقتو عليهم,, ويروح يكسبلو صلاة جماعه بالمسجد.. كان الجو كتير شوب أول أسبوعين فاستوى التين والعنب على السريع فكنا كل يوم نلقط عن الشجر وناكل بعد الفطور.. الشيء السيء الوحيد إلي صار بهادا الرمضان هوه إنو 'باريس' إنسرقت .. ولهلأ مافي أخبار عن هالموضوع بس إن شاء الله خير.. كل عام وأنتم والأهل والأحباب بألف خير....

يا الله شو مزعج الواحد يبدأ نهارو بخبر سيئ.. اليوم الصبح على الساعه ٦:٣٠ صحينا على صوت جرس باب الدار.. فتحنا لقينا الجاره بتقلنا الحقو سيارتكم انسرقت.. كانت الجاره سهرانه عالبلكونه.. وشافت سياره بيضاء قديمه فيها اتنين بعمر العشرين نزلوا وفتحو -باريس- سيارتي فصارت تصرخ عليهم "شو بتسوي! سيب إلي بإيدك!!! أنا ححكي مع الشرطه" همه خلعو المسجل من مكانو وضلوا هاربين.. بس حمد لله قدرت تاخد رقم السياره وأعطتنا إياه.. حكينا مع الشرطه على طول وخبرونا إنو لازم نيجي نقدم بلاغ ونجيب السياره يرفعو عنها البصمات.. روحنا عالبيت قريب العشره بعد ما خلصنا كل المطلوب منا.. إن شاء الله يمسكوم ويبهدلوهم ويخلوهم عبره لمن لا يعتبر.. الحمد لله إنو وقفت بس عالمسجل.. رحمه من ربنا إنو ما سرقوا أشياء تانيه أو أخدو السياره كلها وضلوا ماشيين.. جد يا الله شو انحرق قلبي على سيارتي.. حسبي الله ونعم الوكيل..

Just another reason to love it!  The Children Museum  will be doing lots of special activities in Ramadan ,, and yes the kind that even us -the grown ups- like,, Check out the poster below it explains all the activities.. Click on the picture to enlarge

أنا شايفه إنو هالايام زايدين جماعة إلي بسوقو بغباء!! وجد نفسي أعرف السر تاع الزحمه إلي على بطال لما يكون في مفترق طرق جوا النفق وفوق الدوار.. بتحس الكل بدخل في حالة صراع نفسي .. مم قولك أروح من فوق ولا من تحت.. فوق ولا تحت.. مممم فوق في دوار يعني حيوقف عليه كتير ناس.. يعني حركه أبطأ.. بس ممكن تيجي سبارتي جمب سيارة واحد حليوه.. لا لا خليني أروح من النفق أسرع خلص مره تانيه ببقى أبصبص.. بتكون السياره بأقصى اليمين ومين دون غماز بتروح على أقصى الشمال وبتنزل من تحت النفق.. هداك اليوم لما كانت منطقة شارع مكه ومجمع جبر زحمه كتير ومسكره.. كل السيارات إضطروا يمشوا بطرق فرعيه.. المنطقه إلي هيه الشارع الموازي لعبدالله غوشه من جهة فتنس ون والماكدونالدز.. السير كان ماشي كتير بطئ.. على سرعة ٢٠.. وأنا سايقه ما بلاقي إلا واحد معو فور ويل قرر يطلع فوق باريس.. طبعاً أنا طار عقلي ساعتها.. نزلت أشوف الأضرار.. لقيت الصدام الخلفي رايح جزء منو :( وقتها أخوي كان مسافر.. قلت ايش أسوي كيف اتصرف.. طبعاً أنا سكرت السير عشان ما راح أحرك السياره غير لييجي الشرطي.. قلت أحسن اشي أمشي عالقانون وأجيب كروكه.. وقته...

اليوم روحت من الشغل كتير تعبانه.. أصلو هادا الأسبوع عم أضل أنام متأخر وأصحى بكير.. وما بكون بعمل إشي مفيد.. لا بس هيك قاعده.. فكرت أنام.. بس أنا إذا نمت راح أسحبها للصبح -عادي ماعندي أي مشكله- قلت أحسن إشي أخد قيلوله عالكنباي.. فعلاً زبطت معي ونمت بس ساعتين -لو نمت على تختي كان أقل اشي ٣ ساعات- صحيت على ٨ وقلت خليني استفيد من باقي اليوم.. رحت على السيفوي أجيب كام من غرض ناقصيني.. أول ما طلعت من البيت وشفت الجو.. يا الله إتزكرت قبل ٤ سنين لما سافرت عند أختي على كندا بصيف ال ٢٠٠٦.. كانت طيارتي على ال ٤ الفجر.. وأخوي موديني عالمطار إتزكرت إنو ما أخدت نسكافيه معاي..أختي قالتلي إنو مافي عندهم نسكافيه ٣ إن ١.. فقبل المطار رحنا على السيفوي نجيب النسكافيه.. كان الجو نفس جو اليوم.. هوى بارد مخلوط بريحة الشجر الندي.. والسماء اضاءتها غير مو زي كل ليله.. في يوم قبل ٤ سنين أنا كنت بهادا المكان .. وكانت هاي الأغنيه أجدد اشي وقتها..

القصة أخدت مكانها في عيادة دكتور الأنف والأذن والحنجره بمستشفى الأردن.. المراجعين قاعدين في غرفة الإنتظار بستنو الدكتور ييجي.. اصلو يوم الثلاثاء الصبح بكون عندو عمليات.. ربع ساعه أجا الدكتور ودخل على غرفة الكشف ودخلت وراه السكرتيره ومعها قائمة المراجعين وملفات البعض منهم.. بعدين رجعت قعدت على مكتبها.. إلا وحده من المراجعين -وكعادتنا إحنا العرب- قامت وصارت تحاكيها بصوت واطي وبنغمة ترجي.. إنو بنتي تعبانه خلينا نفوت أول شي واكسبي فينا أجر........ بعد ما خلصت الإسطوانة قالتلها السكرتيره: اسفه ياخالتي بس والله عالمواعيد.. المراجعه سكتت على مضض.. قامت السكرتيره على غرفة الكشف تودي ملف واحد من المرضى للدكتور.. إلا المراجعه -نفس إلي كانت تترجاها قبل شوي- بتقول لبنتها: شف شف ماشيه وفاكره حالها مالكه العياده..لاااا ولا كيف قاعده عالمكتب..تقولي جوكر شده!.. ..هوه الموقف كتير بايخ بس المصطلح عجبني أول مره أسمعو

كنت قاعدة بسوي تقرير بالموظف الجديد للمدير.. إلا أجى عبالي كعك من عن العربايه.. وأحط جواه زعتر مع كاسة شاي ولا أزكى.. إلي كتير زمان مش ماكله من هادا الكعك.. أكتر من ٦ سنين.. هوه أصلاً أنا مابشوفو بالشوارع.. بتزكر أخر مره أكلت كعك كنا بالحسين رايحين عند دكتور العيون وإحنا مروحين ماشيين لمكان ما صفينا السيارة إلا بمرقة العمو تاع الكعك.. لقطو على السريع عموووو ضايل عندك كعك؟ شكلو إنقرض هادا الإختراع هالأيام خساره والله زاكي كان يبقى ليش الحكي..

Take a stand against climate change and save some energy participating in this global event .. This year Earth Hour  will take a place on March 27 in Wild Jordan - Jabal Amman, from 8:30 p.m. to 9:30 p.m. You can find the even on Facebook .. I am really hoping for an Earth Day event  on April 22 so help in saving the environment more..

Twestival brings together people in over 200 cities from across the globe to raise awareness and money for a good cause. This years Twestival focus is .. Education! Proceeds from the event will go to Concern Worldwide, an international NGO. يجمع تويستفل أشخاصا من أكثر من 200 مدينة من مختلف أنحاء العالم لنشر الوعي وجمع التبرعات لإحدى القضايا الخيرية، وهذا العام سيركز تويستفل على التعليم! وستعود تبرعات الحدث الى "كونسيرن وورلد وايد"، وهي منظمة دولية غير حكومية Here is the link to the video.. The Join One Goal  Link

   جـريـدة الـغـد  **   في بلاغ أصدره رئيس الوزراء الأسبق معروف البخيت في العام ٢٠٠٦،، جرى تثبيت التوقيتين الشتوي والصيفي بناء على رغبة ملكية لمدة خمس سنوات مقبلة.. وبحسب البلاغ نفسه يجري الانتقال إلى التوقيت الشتوي في ليلة الخميس/ الجمعة الأخيرة من شهر أكتوبر من كل عام،، فيما يجري الانتقال إلى التوقيت الصيفي في ليلة الخميس/ الجمعة الأخيرة من شهر مارس من كل عام..

أنا كتير بحب الصيف.. عشان كتير أسباب.. منها إنو عشان خواتي بيجوا من السفر وبنتجمع كلنا سوى.. كلنا بنفس البيت لمدة شهرين.. زي أيام زمان أيام ماكنا صغار إشي كان بالمدرسة وإشي كان بالجامعة.. بهادول الشهرين بنرجع بنعيش زي هديك الأيام.. بالصيف ما شاء الله طاولة الأكل عنا معجوقة بالأفراد إلي عليها،، وأولاد أختي ماما بتقلهم يطلعوا ياكلو عالبالكونه أو على الدرجات إلي ورا الدار.. أخر سنتين صايرة أحب أقضي وقت مع ولاد خواتي.. صاروا كبار هلأ يعني ممكن التفاهم معهم.. صارت اعمارهم مابين ١١-١٦.. بس لسا في منهم عمرو ٣ سنين.. هدول قمة الإحراج.. بسألو كتير.. وبطلبوا أشياء خيالية -بالنسبة إلي-.. زي بكون قاعده بحكي مع أختي بتيجي بنتها وبتقولي رولا أرسميلي أرنب .. أنا طبعاً بصير أغير الموضوع.. عشان مابعرف أرسم أبداً.. وإذا رسمت أصلاً ما بتعرفوا على الشيء المرسوم.. بقولهم والله هاي سلحفاه  بحكولي لأ هاي سيارة  !! بالأخر بقلهم مين بدو يطلع يلعب بره؟ فبنسوا قصة الرسم :) بس هاي الصيفية إن شاء الله أنا جاهزه.. ومحضره دفتر الرسم والألوان كمان.. أصلو لقيت موقع تعليمي كتير حلو ومفيد.. ح...

المبدع الأردني أسامه حجاج لخص الموضوع وعبر عنه بصوره واحده!

What are the hardest things to be achieved in Jordan? Real hard things that you will be feeling some sort of beyond the happiness feeling when you accomplish them? Well..Besides Tawjihi that would be getting your driving license.. It took me a full year to have it.. I took the writing exam 7 times.. In both old-school way -the bubble sheet- and the new way -the touch screen one- which is by the way much easier than the old one.. Getting failed as a result each time in the exam made me very angry to get back to the Department of Drivers and Vehicles Licensing and take a new appointment.. When it came to the Behind the wheels -which is supposed to be easier- I took it in the third time :) Now it has been a year and a half of me driving my lovely car Paris -my car's name-.. And just like anyone I love driving around the block,, I enjoy that more than driving around in Abdoun :) One of my favorite streets that I really enjoy driving on is Ibraheem Al-Qattan ...

شفتو من بعيد بعتم الليالي .. وحدي لحالي .. و ما حدا طل من قبالي .. بايدو ومالي ع الهدا شفتو من بعيد .. ماشي وحيد صار بعينيه .. يعطي مواعيد و بسمه ع شفاف .. قالتلو وقاف حدك مشيني والإيد بالايد سوا تمشينا .. و نظرة عينينا ملبكة شو حكيو علينا .. و لا اهتمينا بالحكي وصلنا ع الدرب .. البتودي غرب صار يغازلني .. و يحكي بالحب قلي دلوعة .. قلتلو اوعى وصارت مسموعه .. دقات القلب