Monday, 23 August 2010

Paris Got Robbed :'(



يا الله شو مزعج الواحد يبدأ نهارو بخبر سيئ.. اليوم الصبح على الساعه ٦:٣٠ صحينا على صوت جرس باب الدار.. فتحنا لقينا الجاره بتقلنا الحقو سيارتكم انسرقت..

كانت الجاره سهرانه عالبلكونه.. وشافت سياره بيضاء قديمه فيها اتنين بعمر العشرين نزلوا وفتحو -باريس- سيارتي فصارت تصرخ عليهم "شو بتسوي! سيب إلي بإيدك!!! أنا ححكي مع الشرطه"

همه خلعو المسجل من مكانو وضلوا هاربين.. بس حمد لله قدرت تاخد رقم السياره وأعطتنا إياه..

حكينا مع الشرطه على طول وخبرونا إنو لازم نيجي نقدم بلاغ ونجيب السياره يرفعو عنها البصمات..

روحنا عالبيت قريب العشره بعد ما خلصنا كل المطلوب منا.. إن شاء الله يمسكوم ويبهدلوهم ويخلوهم عبره لمن لا يعتبر..

الحمد لله إنو وقفت بس عالمسجل.. رحمه من ربنا إنو ما سرقوا أشياء تانيه أو أخدو السياره كلها وضلوا ماشيين..

جد يا الله شو انحرق قلبي على سيارتي.. حسبي الله ونعم الوكيل..

18 comments:

  1. سلامتها
    اشي بيمغص ..رح ينمسكوا وبقضوا باقي رمضان كتل

    ReplyDelete
  2. الحمدلله على سلامتها للسيارة ومنيح إنها أجت على المسجل, فعلا عالم وقحة ويا ريب بس لو يطبقو حد قطع اليد على هالأشكال

    ReplyDelete
  3. الله يعوضك خير ... سلامتها ...بس عن جد شي بيقهر

    ReplyDelete
  4. مش خبريّه والله :(

    الحمد لله انها اجت عالمسجل بس
    لكن فكرة ان في حد غريب فتح السيارة وقعد فيها و كان ممكن لا سمح الله يسرقها بتخوف و بتقهر

    ان شاء الله تكون السيارة التانيه الهم مش سارقينها و يمسكوهم و ياخدو جزاءهم

    حسبي الله ونعم الوكيل بهيك عالم :(

    ReplyDelete
  5. keeps updated w deeri balek 3ala Paris :)

    ReplyDelete
  6. سلامتها باريس
    انا مره سيارتي واحد دخل فيها بس ما قدر يسرق المسجل سرق شغلات ثانيه ما الها قيمه بس فكرة انه الواحد يحاول السرقه ويدخل السياره بتقهر كثير. ان شاء الله يمسكوهم ويرجعولك المسجل سليم كمان.ـ

    ReplyDelete
  7. الحمدلله إنها إجت على المسجل
    انشالله بينمسكو عن قريب
    بعرف الشعور اللي انت حاسه فيه هلا لأنو أنا جربتو مرتين زمان بسيارتي القديمه اللي انسرقت يوم ماكنت مطلعها من الكراج بعد حادث ومره محاوله سرقة مسجل سيارتي الحاليه عن جد شعور كتير بيقهر
    بس لازم يا رولا تاخدي احتياطاتك بالمستقبل وتركبي جهاز انذار على باريس

    ReplyDelete
  8. Shaheen ;
    من قلبي بقول إن شاء الله

    Ahmad Hamdan ;
    قمة الوقاحه يعني فوق ما الجاره شافتو برضو كمل وسرق المسجل..

    nissan ;
    الله يسلمك كتير بقهر

    قرابتي ;
    شايفه.. والله ربنا ستر إنها مش كل السياره راحت.. أنا بس طلعت وشفت السياره جد زي المضروبه مية كف :(
    إن شاء الله ينمسكو ويتبهدلو آخر بهدله..

    ناصر ;
    شايف.. والله الدمعه بعيني عليها
    يعني السياره منيحه بس أحلى إشي فيها كان ال
    Sound System :(
    تلك أيام قد ولت

    jaraad ;
    الله يسلمك.. إن شاء الله يا رب

    ..الله لا يحط حد بهيك موقف.. الله يحمينا

    ReplyDelete
  9. والله الحمدالله على سلامة الأنسة باريس :) و منيح اللي ما كنتي فيها و انسرقتي :P

    انا الحمدالله حمدة (سيارتي) ما صار فيها هيك بس مرّة انسرق المسجل من سيارة أبوي بعد اسبوع من لمّا جبناها ... بس الحلو بالموظوع أنو المسجل كان خربان :) و كنّا ناويين نغيروا :P

    ReplyDelete
  10. ربنا بعوّض
    بس عندس سؤال صغير
    كيف فتحوا السيارة
    ناسينها فاتحة
    وإلا طبشوا القزاز !!!؟

    عالعموم
    بس ينمسكوا راح يوكلوا قتل
    تا يفرقوا
    بس المسجل ربنا بعوضكم عنه

    ReplyDelete
  11. الحمد لله بس انسرق هذا احسن من انهم يسرقون السيارة كلها

    الله يهديهم انا لو فقدت شي اتضايق حتى لو كان شي صغير

    يارب يمسكونهم
    وجارتكم على الاقل كانت موجوده واخذت رقم لوحة السيارة ..
    لاتتضايقين :)

    ReplyDelete
  12. Mr.H ;
    أحب أحكيلك قديش حبيت إسم سيارتك :) حلو ومميز
    هههههههه الله لا يردو والله فشيتلي قلبي بهالقصه فوق مهو سارقو وطلع خربان :)

    sfo;
    لا أبدا ما كانت مفتوحه.. أنا عندي عاده من زمان بتمم عالبواب مرتين قبل لا أنزل من الساره.. ولأ ما كسروا القزاز.. مش عارفه كيف فتحوها..
    الله يسمع منك ويمسكوهم ويتعاقبو

    White Freedom ;
    آه حمد لله.. بس برضو بضل الموضوع بضايق..
    شكرا إلك عالمرور ورفع معنوياتي :)

    ReplyDelete
  13. يلا إن شاء الله خير
    الله لا يوفقهم بس! منيح اللي إجت على هيك

    الحمد لله على كل حال

    ReplyDelete
  14. مرحبا,,
    بجوز اول مره بجي هون انا

    هلأ بس بدي احكيلك ,, أحتمال يكونو فاتحين السياره بالمفتاح الماستر
    او بمفتاح شبيه
    معظم السيارات بيجي مفتاهم ستاندرد من الشركه,, وللحظ معظم المفاتيح المتشابهه بالاردن وبس

    تقبلي مروري

    ReplyDelete
  15. Um Omar ;
    أهلا أم عمر نورتي المدونه أنا كتير إنبسطت بزيارتك :)
    ممكن,, إنو جد كيف فتحها من دون كسر الشباك!! حمد لله من حظي,, فش داعي مسجل وشباك :)
    نورتي المدونه :)

    ReplyDelete
  16. منوره بوجودك يا بطه
    احنا إكتشفنا هالحكي لمى مره خربت سياره ابوي
    ف من العجقه اجا اخوي اخد المفتاح ت يزبطها,, لقاها صالحه وشغاله تمام
    لمى اجا والدي,, بحكيله وك هاي مش سيارتي,, سيارتي اخرالشارع

    خاتمت الأحزان يارب

    ReplyDelete