Sunday, 21 March 2010

!بــتــعــرف تــرســم

أنا كتير بحب الصيف.. عشان كتير أسباب.. منها إنو عشان خواتي بيجوا من السفر وبنتجمع كلنا سوى.. كلنا بنفس البيت لمدة شهرين.. زي أيام زمان أيام ماكنا صغار إشي كان بالمدرسة وإشي كان بالجامعة.. بهادول الشهرين بنرجع بنعيش زي هديك الأيام..

بالصيف ما شاء الله طاولة الأكل عنا معجوقة بالأفراد إلي عليها،، وأولاد أختي ماما بتقلهم يطلعوا ياكلو عالبالكونه أو على الدرجات إلي ورا الدار..

أخر سنتين صايرة أحب أقضي وقت مع ولاد خواتي.. صاروا كبار هلأ يعني ممكن التفاهم معهم.. صارت اعمارهم مابين ١١-١٦.. بس لسا في منهم عمرو ٣ سنين.. هدول قمة الإحراج.. بسألو كتير.. وبطلبوا أشياء خيالية -بالنسبة إلي-.. زي بكون قاعده بحكي مع أختي بتيجي بنتها وبتقولي رولا أرسميلي أرنب.. أنا طبعاً بصير أغير الموضوع.. عشان مابعرف أرسم أبداً.. وإذا رسمت أصلاً ما بتعرفوا على الشيء المرسوم.. بقولهم والله هاي سلحفاه بحكولي لأ هاي سيارة !! بالأخر بقلهم مين بدو يطلع يلعب بره؟ فبنسوا قصة الرسم :)

بس هاي الصيفية إن شاء الله أنا جاهزه.. ومحضره دفتر الرسم والألوان كمان.. أصلو لقيت موقع تعليمي كتير حلو ومفيد.. حبيت اشاركم هادا الإكتشاف.. الموقع اسمو؛

10 comments:

  1. kan fe barnameg 3ala space toon be3alem rasem elcartoon .. in a nice and easy way .. just keep practicing and soon u will surprise ur self:)

    ReplyDelete
  2. As I mentioned in previous posts I don't watch TV.. howe Yes akeed practice do make difference :)

    ReplyDelete
  3. يللا حلو ... هي الصغار اعطوكي شغلة جديدة تزيدي فيها مواهبك

    الله يخليكم لبعض

    وموفقة بالرسم

    ReplyDelete
  4. it would be nice if u took some photos for ur sketches now and in two weeks time :)
    i wanna see the turtle turning to a car :))

    ReplyDelete
  5. Ahmad M. Al-Mahrouq ;
    ههههه شايف..جد الصغار ما شاء الله عليهم..حلوين بالبيت بسوو جو حلو بنسينا غلبتهم :)

    zuzikabdo;
    Great idea ya basha.. Bas walla khayfe ti2leb ishi taani msih shabah isayarah abadan ;P

    ReplyDelete
  6. انا كمان ما الي دخل بالرسم, شكرا كتير عالموقع بدي ابدا اتعلم علشان بس يكبرو ولاد اخواني و يفهمو للرسم اكون حافظتلي كم من رسمة :)

    الله يخليلك اياهم يا رب :)

    ReplyDelete
  7. Good luck ;;)
    Draw any thing and say its a new style of a rabbit :P :P :P 3adi btemshi ;)

    ReplyDelete
  8. أنا ما بعرف أرسم
    ولا إلي خص بهالموهبة

    بس لما ييجوا أطافيل أختي عندنا
    توم صبايا 3 سنين
    وطبلوج مدحبر أبو سنة
    بلعب معهم مباطحة
    وخربشة
    وأحياناً بجيب سلة زبالة
    وبخليهم يصيروا يرموا طابة صغيرة فيها
    أكيد كل هالحكي لازم يرافقه شوية هبل
    عشان تظحكي الصغار
    وتكركريهم

    ReplyDelete
  9. انا بعرف ارسم
    بس مالي خلق

    الحمدلله اختي الصغيره بترسم عن 10 فمريحتنا
    بس اولاد خالي وخالتي كانو مجنيني ارسمي شارع ارسمي سياره

    ارسميلنا حادث!!

    شكرا عالموقع حبيته:)

    ReplyDelete
  10. Whisper ;
    شكرا :)
    هههه حبيت "تكوني حفظتيلك كم من رسمه"..على خير :)

    Farah Batarneh ;
    المشكله إنو ما شاء الله جيل هالأيام مفتح ومستحيل تقدري تضحكي عليه :)

    sfo ;
    ههه ما شاء الله الله يحميهم..
    هادا زي خطتي تعت "مبن بدو يطلع يلعب بره" xD

    مياسي ;
    عفوا وكتير مبسوطه إنو عجبك,, انا حبيت أكون مفيده وأدلكم عليه :)

    ReplyDelete