Wednesday, 26 May 2010

!أفضل حل

أنا شايفه إنو هالايام زايدين جماعة إلي بسوقو بغباء!!
وجد نفسي أعرف السر تاع الزحمه إلي على بطال لما يكون في مفترق طرق جوا النفق وفوق الدوار..
بتحس الكل بدخل في حالة صراع نفسي .. مم قولك أروح من فوق ولا من تحت.. فوق ولا تحت.. مممم فوق في دوار يعني حيوقف عليه كتير ناس.. يعني حركه أبطأ.. بس ممكن تيجي سبارتي جمب سيارة واحد حليوه.. لا لا خليني أروح من النفق أسرع خلص مره تانيه ببقى أبصبص.. بتكون السياره بأقصى اليمين ومين دون غماز بتروح على أقصى الشمال وبتنزل من تحت النفق..

هداك اليوم لما كانت منطقة شارع مكه ومجمع جبر زحمه كتير ومسكره.. كل السيارات إضطروا يمشوا بطرق فرعيه.. المنطقه إلي هيه الشارع الموازي لعبدالله غوشه من جهة فتنس ون والماكدونالدز..
السير كان ماشي كتير بطئ.. على سرعة ٢٠.. وأنا سايقه ما بلاقي إلا واحد معو فور ويل قرر يطلع فوق باريس.. طبعاً أنا طار عقلي ساعتها.. نزلت أشوف الأضرار.. لقيت الصدام الخلفي رايح جزء منو :(
وقتها أخوي كان مسافر.. قلت ايش أسوي كيف اتصرف.. طبعاً أنا سكرت السير عشان ما راح أحرك السياره غير لييجي الشرطي.. قلت أحسن اشي أمشي عالقانون وأجيب كروكه..
وقتها هداك نزل من السياره وبلش يقلي أنا بصلحلك بلاش كروكه.. حسيتو عامل عمله وخايف.. وقتها عطول طلت تليفوني وسويت فيديو ريكورد.. قلت إذا حكى اشي هيك أو هيك يكون مسجل..
بعدين حكيت مع إبن خالي وهوه إتصرف..
وأنا لسه للآن محتفظه بمقطع الفيديو.. عشان إذا هداك قرر يكون نذل ويسوي زي العمو إلي حكتلنا عنو ويسبر..
 
وهداك اليوم كنت سايقه بشارع إبراهيم القطان إلي كتير بحبو.. إلا واحد معو سياره نمرها صفره طلع من شارع فرعي وكان بحكي بالتلفون قرر إنو بدو يخبط فيي.. هيك كان الوضع..



على شعره كان خبطني خبطه مرتبه وكانت باريس قعدت بالتصليح أسبوعين زمن..
هلأ أنا حمد لله زبط إني أتفاداه مع إنو هوه الغلطان ألف بالميه.. فكرت إنو لو لاسمح الله إتكرر هادا الموقف كمان مره -وللأسف صار صاير معاي أشياء زي هيك حوالي ٥ مرات لهلأ- إيش أحسن تصرف؟

قررت إنو ما راح أتفاداه عشان ممكن وأنا بمحاولة التفادي أخبط حد جمبي وهيك هداك بضل ماشي ولا كأنو عمل إشي وبتطلع براسي عشان الغلط بسير علي.. ووقتها بضطر أصلح إلي وإلو عدا عن الموقف البايخ والمراكده بشركات التأمين.. فا لأ بدك إتسوق بهبل انا ما راح أحط حالي بموقف أتحمل غلطه إنت مسويها.. 
 
طبعا غير عن قصص إلي بسوقو بغباء في قصص أسوأ.. موضوع إلي بزتو حالهم قدامك لما تكوني لسه دوبك بدك تمشي عن الإشاره!! هيه هاي الشغله قديمه بس كنها راجعه موضه :$
جريدة الغد ماقصرت كتبت بهادا الموضوع؛
الأمن العام يحذر السائقين من الوقوع في شرك مفتعلي الحوادث،،
وجماعة عرمرم حكوا بفيديو تبلي معك وما قصرو..

لو بيوم لاسمح الله صار وإنحط حد بهالموقع؛
..١. خليك بسيارتك بحالك وما تحكي مع حد منهم
..٢. على طول إتصل على الشرطه وإستنى لييجو
..٣. أرقام الشرطه
النجدة ١٩١ و ١٩٢
الدفاع المدني ١٩٩
الأمن العام ١٩٦
مركز أمن البيادر ٥٨٥٨١٥١ ٠٦
إدارة السير ٤٨٩٦٣٩٠ ٠٦

16 comments:

  1. مبين عليكي بتقرأي او بتتفرجي على افلام بوليسيه. عجبتني شغلة الفيديو فكره ذكيه. وكمان رسم توضيحي للحادث اللي كان ممكن يصير ، بالاضافه لما يجب عمله في حال حصول حادث. أكيد بتحضري
    CSI
    او ما شابه :)ـ
    بس كلامك صحيح الواحد لازم ما ينزل من السياره اذا صار حادث لانهم بفكروا انه الواحد نازل يتهاوش. السواقه بالاردن كأنه الواحد رايح حرب ليش هيك الناس صايره؟
    أول ما قرأت اسم باريس فكرت اسم دوار بس بعدين حصلنا الشرف نعرف مين باريس :)ـ

    ReplyDelete
  2. هههههه لا والله أبدا بس حاولت على قدما لأقدر إني أتصرف بطريقه ذكيه..
    من غير شر بس لما تنحطي بهيك موقف وما يكون حد قريب عليكي إلي تستنجدي فيه عقلك بسير يشتغل ويفكر بطريقه ما بتكوني متوقعتيها :)
    ااه أنا أول ماستلمت سواقة السياره سميتها باريس :)

    ReplyDelete
  3. الحمد لله على سلامتك وسلامه "باريس"
    فكره حلوه التصوير, بدي اصير اعملها اذا لا سمح الله صار معي حاد :)

    اول مشكله حكيتيها عن الدوار و النفق...جد بقهروني هالعالم, بدهم لاخر لحظه يضلهم عالمسرب الشمال وبأخر لحظه يغيرو مسرب و انتي المفروض تختفي من قدامهم تماما او توقفي و تمشيهم مش انهم ياخدو المسرب من بكير :$

    الله يحماكي يا رب, كان مدرب السواقه يحكيلي ما تبعدي, لانك حتورطي حالك باشي اكبر, زي ما حكيتي ممكن لا سمح الله تضربي سيارة تانيه ويصير الحق عليكي
    اللي يستر ولا يبلينا يا رب

    ReplyDelete
  4. hahaha 3ajbatni sha'3let 2l video .. smart ya rula as always wo ma ben5af 3aleky :)
    wo 2allah yekfeena shar 2l7awadeth 2l wa7ad law 5abat 2aw 2n5abat nafs 2lbahdaleh ..
    wo 2oli laha 2li bedha 2tbasbes 2no ana dayman banzel ta7et 2lnafak :Pp barken 3ala allah ...

    ReplyDelete
  5. الحمدلله عالسلامة...منيح انو حادث بسيط واجت سليمة

    ReplyDelete
  6. حمد الله على السلامة و الله حرام باريس قلبت ساو باولو

    ReplyDelete
  7. مرحبا رولا

    في البداية الحمدلله على السلامة وعلى فكرة قصة التسجيل رائعة وذكية جدا لأنو فعلا هذا الزمن بدو كل الحرص لأنو مابعرف الواحد شو ممكن يصير معو

    بالنسبة لقضية السواقة في الاردن بشكل عام فهي أصبحت مزعجة جدا بسبب الازدحام من جهة وبسبب ممارسات بعض السائقين التي تدل على جهل تام بأبسط قواعد المرور والتي ذكرتهاأعتقد أنها أصبحت من الاسباب الرئيسة في قضية الحوادث وهي التغيير المفاجىء للمسرب واضف إلى ذلك الحادثة الأخرى التي ذكرتها من خلال الرسم البياني والتي تدل على أساس المشكلة وهي أن ذلك الشخص كان منهمكا بالحديث على الهاتف وكم هنالك من الحوادث التي يكون سببها الهاتف

    عموما الحذر مطلوب جدا في هذه الأيام وكما قلت لابد من الاتصال بالشرطة وعدم الحديث أبدا قبل حضورهم
    معك حق تماما في ذلك

    نهارك سعيد

    ReplyDelete
  8. أول إشي ... الحمدلله على السلامة :)
    بعدين يا مكثرهم اللي زي هيك .. انا اكلت 4 حوادث و سيارتي اكلت شصي مع انو ما صرلها سنة معي :S والحمدلله ولا حادث الحق علي ... بس خلص لازم انا اللي اتبهدل بشركات التأمين و قطع الغيار.

    طبعن كل هاي السوالف غير اللي بستخدموا جسر المشاة كشمسية، و يمشوا بفية الجسر .. إنو بالله عليك غلّب حالك شوي بلاش ما تغلّب الدنيا كلها معك.

    بالآخر بدي احكي انو السواقة فن و أخلاق و ذوق ... و في كثير من اللي مش عارف كيف اخذوا الرخصة ما عندهم ولا اشي من فالله يعيننا عليهم.

    btw iLike this blog :)

    ReplyDelete
  9. Garabah ;
    الله يسلم عمرك.. هاي أحسن إشي بكون إثبات الوقائع إلي صارت قبل ما تيجي الشرطه
    بزبط هادا إلي حيسير حتورطي حالك بإشي أكبر..
    الله يحمينا :)

    zuzik basha ;
    Alla yi7mee iljamee3..
    Khalas wala yhimak ra7 ab3atlak eyahom kulhom ;P

    ReplyDelete
  10. hamdanism ;
    الله يسلمك.. ااه والله حمد لله.. أصلو هداك اليوم كان عجقه عالاخر..

    RASH ;
    أهلا وسهلا بالمدونه.. الله يسلمك.. والله زعلت عليها الصدام الخلفي صار شكلو غلط..

    ReplyDelete
  11. أشرف محيي الدين ;
    ااه أنا خلص إعتمدت هاي الشغله دائما تلفوني حاضر..
    قصة التلفون هاي قصه..
    عارف أصلا لو وريتهم إنك ممكن تاخد وتعطي راح يغتنمو الفرصه ومش بعيد يستفزوك بكم من كلمه ووقتها بتقلب عليك.. فا أحسن إشي الواحد يضل بسيارته يستنى الشرطه..

    Mr.H ;
    الله يسلمك..
    الخمد لله أنا هدول إلي بستعملو جسر المشاة كشمسيه لهلأ ما شفتهم :)
    الله يعين ويحمي الجميع :)

    ReplyDelete
  12. مساء الخير رولا
    الحمد لله على سلامتك
    وما تشوفي شر ان شاء الله
    اعجبتني فكرة الفيديو :)
    كل الود

    ReplyDelete
  13. مرحبا وسلامات
    الادراج اليوم حلو وبيضحك، عجبني الرسم التوضيحي جدا ههههههمهه.
    هسه فكرة الفيديو حلوه بس يمكن الشرطة ما تعترف فيها، عشان هيك خليك دايما في السليم واعملي كروكه حتى لو اترجاك و نزلت دموعه. لأنه عالأغلب راح يطلع كذاب ويتملص وتوكلي مقلب، بس ان شاء الله ما يصير هيك.
    اهجبني انك عطية اسم لسيارتك، ههههههه، حلو كتير، والاحلى الحكمة اللي ختمت فيها الادراج، حكمة مفيدة والتزمي فيها دايما.

    ReplyDelete
  14. نادر احمد ;
    الله يسلمك يا رب
    ااه والله بس أهم إشي الواحد ما يتعجق وينسى يستعملها :)

    الكيل بمكيالين ;
    أهلا نورتي :)
    أكيد أنا راح أضل على رأيي وأسوي كروكه.. عشان أنا ما بثق بواحد غريب أول مره بشوفو..قدما حلف وأعطى ضمانات.. وزيما قلتي عشان ما تروح علي واكل مقلب..
    ههههه إنبسطت إنو عجبك الإدراج والرسم وإسم السياره :)
    على قول أمي الله يكفينا شر ساعة الغفله :)

    ReplyDelete
  15. Dear men who are reading this post.

    The idea of this post, In my humble opinion, is to show that men also cannot drive and make stupid mistakes, and to deny the widely spread-ed and well known FACT that girls are very bad drivers.



    note: this post is only kidding, mish tsh6obi lol

    nice post o hamdlla 3ala alsalameh

    ReplyDelete
  16. Shaheen ;
    Alla ysalmak ya rab,, heheee yes I got the joke and no worries :) Nawart..

    ReplyDelete