Wednesday, 21 April 2010

!سـلطـة جـرجـيـر

هالأيام دايره بالي على صحتي وبحاول أكل أشياء صحيه على قدما أقدر.. خلص الصيف أجا وبطل في مزح..
هداك اليوم إتذكرت سلطه كانت ستي -الله يرحمها- تعمللنا اياها.. هيه زاكيه وعشان أنا كتير بحب أكل أشياء حامضه كنت ومازلت بحبها كتير.. حبيت أشاركم طريقتها؛

سلطة الجرجير؛
الكمية تكفي لشخصين طبيعيين.. بس أنا ما شاء الله لقمتي كبيره فأكلتها كلها لحالي..


المقادير *
-ضمة جرجير -مفرومه خشن
-حبة بصل -مفرومه ريش
-حبة بندوره -مقطعه مكعبات
عصير ليمونه واحده
سماق
ملح
زيت زيتون

زمن التحضير *
..ربع ساعه كحد أقصى

طريقة التحضير *
..كتير بسيطه
تغسل ضمة الجرجير منيح.. بعدين بتنفرم خشن -لو إنفرمت ناعم حيبطل إلها طعم- وبتنحط بجاط..
بعدين بيجي دور البندوره.. بتتقطع مكعبات صغيره وبتنحط بالجاط مع الجرجير..
البصل بنفرم ريش..يعني بطلع شكلو بعد الفرم مطاول.. وكمان بنحط بالجاط..
بعدين بنرش السماق والملح.. وبنسكب الليمون المعصور وزيت الزيتون -طبعاً هدول كلهم حسب الذوق- يعني بتقدر تتحكم بدرجة ملوحة وحموضة السلطه-.. أنا عشان بحبها كتير حامضه فعصرت ليمونة ونص ورشيت مايعادل ملعقتين كبار سماق..
هلأ بتنخلط كل المكونات سوى وبتتاكل..

معلومه عالماشي *
..الجرجير غني بالحديد

16 comments:

  1. صحتين

    انا والله متلك بدور على اشياء صحية وبتعطي طاقة....

    الجرجير ممتاز

    ReplyDelete
  2. شكرا..على قلبك
    هيها سهله وما بتاخد وقت يعني مافي حجه انك تتكاسل وما تعملها :)

    ReplyDelete
  3. sa7ten wo hana :)
    we go green 3ashan inseer 2kteer 7lween wo na7efeen :P ))
    thanx for sharing this .. baseeta womofeedeh :)

    ReplyDelete
  4. xD Exactly..
    You're more than welcomed :)

    ReplyDelete
  5. صحتين صحتين يا قمر

    بس انا مشكلتي بكره كل الورقيات :(
    لا جرجير ولا خس ولا بقدونس ولا سبانخ ولا ....
    كله ما بحبه
    هي بس الملوخيه الله يخليلنا اياها :)

    ReplyDelete
  6. @zuhair

    شكله ممنوع ندخل مدونتك هالايام :(

    ReplyDelete
  7. Whisper ;
    شكرا على قلبك :)
    جد.. أنا بحب الورقيات.. الوحيد إلي ما بحبو هوه السبانخ..
    يا سلام على الملوخيه.. بالرز المصري ولا أزكى :D
    أكتر سلطتين بحبهم همه السيزر والجرجير :)

    ReplyDelete
  8. سلطة الجرجير طبق شبه دائم على مدار الأسبوع عندنا
    :)

    صحتين و ألف عافية
    و فعلا ً yummyyyyyyyyyyyyyyyyyy
    :D

    ReplyDelete
  9. كتير منيح
    شكرا على قلبك :)

    ReplyDelete
  10. one of my all time favorite salads..healthy, easy to make and very tasty. thanks for sharing.

    ReplyDelete
  11. :) Yes,,
    You are more than welcomed,,
    Welcome to my blog.. It was nice having you here :)

    ReplyDelete
  12. انا بحب كل شيء نباتي. بحاول دائما اقلل قدر الامكان من اللحوم. بس صعب انه اكل سلطه لحالها لازم يكون معها وجبه محرزه :) انا كنت اكل جرجير بس بالمدينه اللي انا فيها ما في جرجير اتوقع اسمه بالانجليزي (watercrest)

    ReplyDelete
  13. ana ba7eb kolshi 7aamed w male7 b nafs el wa2et, jarjeer, tabbouleh :), inshAllah a lemon with some salt on it! bas ma ba7eb a7ot 3aleha basal, bas bajeeb el jarjeer, w ma bafromo 3ashan beseer morr lamma tofromeeh, bas hek maz3eeh b edaiki, tons of lemon and some salt et voila' akleti el mofaddaleh, wa akheeran la2ait 7ada zayee. beddi

    ReplyDelete
  14. صحتين:)

    بس انا الجرجير لا بحبه ولا بطيقه لا من قريب و لا من بعيد الحمدلله

    ReplyDelete
  15. jaraad :
    اه بتذكر لما كنت بكندا برضو ما كان عندهم جرجير.. والخضره عندهم كانت بأحجام عائليه.. الكوسا كان طولو نص متر تقريبا..

    Rand :
    هههههههه إنتي حتقوليلي.. بالصيف أنا وأختي بنلقط ليمون عن الشجره وبنرش ملح عليه وبناكل.. بدي أجرب طريقتك أقطع الجرجير بإيدي ما أفرمو :)
    نورتي مدونتي..

    مياسي :
    على قلبك,, مش مشكله المهم يكون في نوع إنتي بتحبيه وسهله إنك تعمليها :)

    ReplyDelete