Thursday, 20 May 2010

!ااه منك يالكرش




ظاهره مش جديده بس بآخر فتره صارت كتير منتشره وفئات العمر مالها أي دخل فيها..
 عرمرم حكو عنو وناقشوه..
أنا حبيت أحكي عن هادا الموضوع للفائده العامه..
بشوفها بكل مكان.. بالمول.. بالجامعه.. بالشوارع.. حتى بحفلة رم - طارق الناصر.. كان في كتير ناس بتتمثل فيهم هاي الظاهره..
الناس بكونو نحاف بس الهم كرش.. حتى الصغار.. فالمنظر بكون غريب..
هوه إلو أسباب زي قعدة الشغل الطويله .. أكل الوجبات السريعه.. التكاسل بأداء تمارين الرياضه.. القعده الطويله أثناء لعب البلاي ستيشن.. تشييك الفيس بوك والتشات.. 
وحده من صاحباتي إلي دارسين رياضه بتقولي الكرش خلال أسبوع بروح.. أنا صراحه ماصدقتها!! إزا الموضوع بهاي سهولة ليه كتير ناس مكرشين..
بس والله طلع كلامها صادق.. بالمثابرة أنا كرشي خلال أسبوع فعلاً خف كتير لما سويت التمارين إلي قالتلي عنهم..
دورت على فيديو فيه تمارين مطابقه للي قالتلي عليهم مالقيت.. بس هدول أقرب إشي..
الفيديو الأول  .. الفيديو الثاني .. الفيديو الثالث
:) وكل صيفيه وانتم بخير ومش مكرشين