!بس المصطلح عجبني



القصة أخدت مكانها في عيادة دكتور الأنف والأذن والحنجره بمستشفى الأردن..

المراجعين قاعدين في غرفة الإنتظار بستنو الدكتور ييجي.. اصلو يوم الثلاثاء الصبح بكون عندو عمليات..

ربع ساعه أجا الدكتور ودخل على غرفة الكشف ودخلت وراه السكرتيره ومعها قائمة المراجعين وملفات البعض منهم.. بعدين رجعت قعدت على مكتبها..

إلا وحده من المراجعين -وكعادتنا إحنا العرب- قامت وصارت تحاكيها بصوت واطي وبنغمة ترجي.. إنو بنتي تعبانه خلينا نفوت أول شي واكسبي فينا أجر........

بعد ما خلصت الإسطوانة قالتلها السكرتيره: اسفه ياخالتي بس والله عالمواعيد.. المراجعه سكتت على مضض..

قامت السكرتيره على غرفة الكشف تودي ملف واحد من المرضى للدكتور.. إلا المراجعه -نفس إلي كانت تترجاها قبل شوي- بتقول لبنتها: شف شف ماشيه وفاكره حالها مالكه العياده..لاااا ولا كيف قاعده عالمكتب..تقولي جوكر شده!..

..هوه الموقف كتير بايخ بس المصطلح عجبني أول مره أسمعو

Comments

  1. joker shadeh wo shaikh kobah .. mosatala7at jameeleh to2ady 2al'3arad wa tasef almowdoo3 tamaman :)))

    ReplyDelete
  2. The problem is kids do what their parents do and refrain from doing what their parents don't do. When this girl see her mother trying to cut the line and curse others she will believe that this is the right attitude, cutting lines and cursing people who don't do what we need them to do even if it is wrong. Maybe we should wait couple more generations for the situation to get better in Jordan.

    ReplyDelete
  3. Jaraad ;
    You are absolutely right.. Things and situation like that get stored in their memories as the right way to behave.. Unfortunate that is one bad-idle mother..

    ReplyDelete
  4. :)))))))))))))))))))))))))
    adeefe la muzakeratek .. hehe

    ReplyDelete
  5. بعيدا عن الموقف اللي جد بقهرني كتير, اولا موضوع عدم الالتزام بالدور و المواعيد
    و تاني شي التعامل مع الناس ب 100 وجه حسب تلبية مصالحنا الشخصيه

    المصطلح جديد علي
    و معبّر كتير :)

    ReplyDelete
  6. انا بعرف شيخ كبه

    بس الجوكر هاي جديده
    وموضوع المواعيد
    لا تعليق

    بس حلوه:)

    ReplyDelete
  7. مالكم على الاطبا هاليومين؟ كلو بكتب على الاطبا ؟خفو علينا شوي
    :))))))))

    ما علينا بس بصراحة المصطلح مار علي من قبل بس المشكلة انو في هداك الموقف كنت انا اللي سموه بجوكر الشده
    :(

    ReplyDelete
  8. عوَج
    يعني شو راح يكون رد هالمرة
    لو السكرتيرة دخلت حد قبلها
    أو شافت وحدة ثانية عملت نفست عملتها
    !

    ReplyDelete
  9. Farah Batarneh ;
    Shayfe ilwa7ad bit3allam ishi jdeed kul yoom :)

    Whisper ;
    للأسف هدول الناس بعكسو الصوره البشعه عن العرب..يعني أنا بتخيل لو كانوا بنفس الموقف بس ببلد غير عربي ! أنا متأكده إنها حضل قاعده مكانها وساكته..

    مياسي ;
    يحلي أيامك :)

    ReplyDelete
  10. Dr.Mohammed ;
    هههه والله مو القصد,,
    مهوه هيك بصير لما الواحد بكون بشتغل صح بسير جوكر بعيون بعض الناس إلي ذمتك ما بتتناسب مع أخلاقهم

    sfo ;
    والله لو كل حد بحط حالو مكان إلي بتعامل معاه الوضع حيكون كتيـــــر أحسن
    قال صلى الله عليه وسلم: (لا يؤمن أحدكم حتى يحب لأخيه ما يحب لنفسه)

    ReplyDelete

Post a Comment

Popular posts from this blog

..نشوفك على خير السنه الجاي